تصوير: احمد المليجى
كتب : اسلام الدالى
عزيزي المصيف القادم الى اسكندرية.. هذه بعض التعليمات التي يجب اتباعها.. الرجاء التركيز الله يباركلك....
1- يجب ان تعلم ان الاسكندرية مدينة سكنية و ليست مصيفا في الاصل.. ماينفعش تخرج من الشاطئ باللباس و تطلع تتمشى ع البحر.
2- النفق معمول عشان تعدي من تحته عشان العربيات حدانا بتمشي من فوق بسرعة ع البحر ..
3- افتكر انك مش لوحدك ماشي في الشارع.. مش عشان تستمع بميتين ام التمشية في الشارع تمشي انت و عيلتك بالعرض ببطئ و بتاكلو ترمس و مش مديين فرصة لحد يعدي.
4- ممنوع منعا باتا " الطرطرة " في الشارع و الاكل في الشارع و تغيير الملابس في سيدي بشر ع البحر.
5- اذا طفحت ماترميش بقايا قشر البطيخ و بذر المانجة و الترمس و اللب و الدرة و الجيلاتي في الشارع.
6- خليك عارف ان الاسكندرانية بيكرهوك .. فياريت ماتركبش مواصلات و انت لسة طالع من المية و بشرتك لونها احمر مقزز و مبلول و كلك رملة و تيجي تقعد جنبي.
7- خليك متأكد ان اسكندرية بلد نضيفة في الشتا.. بحرها لونه ازرق في الاصل الا و انت هنا بيكون لونه اخضر.
8- لما حد يبصلك من فوق لتحت عشان سمع لهجتك ماتزعلش منه.. لأنك سبب الزحمة.. و دي حاجة مش موجودة غير و حضرتك مشرفنا..
9- خليك واثق ان مفيش اسكندراني بينزل بحر اسكندرية.. بسببك.
10- الرجاء اتباع التعليمات.. و لو ماجتش يبقى احسن
إرسال تعليق
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد