يوميات مصرية وضابط الجوازات

Azza Dawood

المكان: مكتب الجوازات والهجرة بالسويس 

الزمان :نهار داخلي 

الظابط : الصورة دي لازم تكبر شوية لازم الزوم يكون 75 في المية 

: وهو حضراتكم مش كاتبين ليه في اللوحة نسبة الزوم 

الظابط : خلاص ممكن تمشي بس اكتبي اقرار لو وقفوكي في اي مطار الداخلية مش مسئولة 

: وليه نكبر الصورة 

الظابط : عارفة فوجي مش هياخد دقيقتين وتلحقي ترجعي قبل مانقفل 

ذهاب للاستوديو وتكبير الزوم والعودة 

الظابط : ايوة كده روحي للموظفة شباك 9 

ذهاب للموظفة بالورق ..... 

الموظفة : انت مليتي بيانات الخلفية ليه ..؟ هاتي استمارة جديدة 

: حاضر بس مش مكتوب عليها تمﻷ بواسطة مين 

عودة للظابط .....عاوزين استمارة جديدة لو سمحت 

الظابط : (بدون اي كلمة يمد يده باستمارة وياخذ القديمة ليمزقها )

: معلش لو سمحت همﻷ البيانات منها واديها لحضرتك ....... 

ذهبت الي آخر كرسي .... بجوار باب الحجرة .... وجلست ﻷمﻷ الاستمارة .....

برة ........برة ......رن صوت قوي ......لم انتبه .....برة ...... إملي الاستمارة برة ....

زيادة نبضات قلبي حتس سمعتها بإذني ......ارتعشت يداي ....... ولم تقوي قدمي علي النهوض للحظات .......والتفت براسي الي الصوت ﻷجد الظابط ينظر الي : امليها برة 

خرجت من حجرته غير مستوعبة لما حدث ...... ومﻷت الاستمارة بهدوء وعدت اليه .....

الظابط : ( ينظر للاستمارة وبالتحديد علي كلمة اخر مؤهل ؛دكتوارة في العلوم ).......معلش يادكتورة تعبناكي ....

: ابتسامة هادئة جدا (علي غير عادتي )..... تعبتني !! طبيعي مش احنا في مصر ..وحضرتك من الداخلية ....يبقي طبيعي جدا ان حضرتك تعمل كده

تفتكروا لو كان انسان مصري عربجي .... كان الظابط قاله معلش تعبناك......... 

الداخلية بلطجية ....يحاولون احيانا ان يرتدوا ثوب الانسان

والله علي ما اقول شهيد