قصه مؤسسه بلادي بتاعت اطفال الشوارع

قصه مؤسسه بلادي بتاعت اطفال الشوارع دي عامله زي حكايه الثوره كده .. فكره نبيله قرر ينفذها مجموعه شباب قلوبهم نضيفه و بيفكروا بمثاليه زايده .. اتحطمت علي ايد مجموعه من الاوغاد المستغلين و هم اهالي العيال دي .. و بيشوهها و ينكل بيها و بيحاربها الفساد في كل اجهزه الدوله زي الداخليه اللي العيال دي بيشغلوهم مرشدين و القضاء علشان يضرب المربوط و علشان يحسسوا الناس انهم بيحموهم من مؤامرات عليهم

ودا بقى صلاح ومؤسسة بلادى بتحاول انها تستغله فى المظاهرات ... عن طريق البحث عن الموهبة اللى جواه وعن طريق انها تخليه يعبر عن نفسه ...
وطبعا بلا شك دا خطر على الامن القومى .

احد الاطفال قبل وبعد ما بقا فى المؤسسة

مواطن مصرى اصيل اراد ان يحل جزء من مشكلة اطفال الشوارع فكان مصيرة ومن شاركوه الحل والاطفال السجن.
استأجر محل سكنى واشهر مؤسسة "اولاد بلادى" الخيرية لاطفال الشوارع, وتتطوع عدد من الاخصائيين الاجتماعيين والاطباء البشريين والنفسيين لعلاج الاطفال وتأهيلهم للتعامل مع المجتمع فكان مصيرة اتهامات بقلب نظام الحكم.
بداية القصة ان هذا المواطن :-
قابل طفل في الشارع مش لاقي ياكل وبيشحت .. اتكلم معاه لحد ما الطفل اعترف انه بيتم الاعتداء عليه جنسيا ..
فقرر ان يكون ايجابيا ويتصرف فكلم جمعية رسالة وقالوا له ابعتلنا الاطفال واحنا حنخدهم ونرعاهم.
فبدأ هذا المواطن الصالح فى جمع اطفال من 10-14عام واقنعهم بانهم يتركوا الشارع وان فى حياة افضل تنتظرهم وبالفعل اقنع 14 طفل وراح يسلمهم لجمعية رسالة .. ردت عليه رسالة بان الاعداد مكتملة واغلقوا الباب فى وجهة .. فماذا يفعل بالاطفال؟؟؟؟
نشاور مع زوجتة السيدة آية حجازى وابدت موافقتها على المضى فى هذا المشروع الخيرى.
فقرر هذا المواطن إشهار مؤسسة خيرية لرعاية اطفال الشوارع وسماها بلادى..
بأن استأجر مبنى وجهزة لاستقبال الاطفال واعده بغرف نوم وفصول تعليمية وانشطة مختلفة.
وهذا موقع المؤسسة
https://www.facebook.com/beladyeg.found
وتم توجية الدعوة من قناة "اون تى فى" فى20 مارس 2014 للسيدة آية حجازى لتحكى عن مشروعها الخيرى .. فأحضرت معها 3 من الاطفال الذين تم تأهيلهم وتحدثوا عن تاريخهم فى الشارع ..فى هذا اللينك
http://youtu.be/LxkX30iiSU8
فديو لمؤسسى مؤسسة بلادى لرعاية اطفال الشوارع على قناة روتانا
http://youtu.be/gpWppRrn5sE
ولكن تأتى الرياح بما لا يشتهى المواطنين المخلصين لمصر.
فى 1 مايو 2014 هاجمت قوة من قوات الشرطة مقر المؤسسة والقت القبض على مؤسسها..
محمد حسانين وأية حجازى وكل من تواجد بداخل المبنى ومن اشترك فى اعادة تقويم هؤلاء الاطفال وهم
أميرة فرج قاسم
شريف طلعت محمد
وهم متطوعين للعمل بالمؤسسة بدون اجر..
كما القت قوات الامن القبض على جميع الاطفال.
ووجهت النيابة اتهامات لحسانين واية وشريف واميرة منها:-
-خطف أطفال - دعارة أطفال - متاجرة بأعضاء الأطفال
محاولة قلب نظام الحكم بارسال الاطفال للمظاهرات.
الشاهد اللي الحكومة بتوصله : لما تلاقي طفل شوارع مغتصب وبيموت من الجوع .. اديله 2 جنيه وسيبه وامشي..
النظام مش عايز يحل اى مشكلة وحتى لما المجتمع المدنى بيتحرك عشان يحل ,,, النظام بيكسرة..