انا وحبيبتى المجنونة

بعد مكالمة موبيل طويله جدا !! 
- بقولك ايه انا هقفل بقه عشان الوقت اتأخر ولازم انام عشان بكره عندي كليه
- تمام .. تصبح على خير 
- سلام -سلام
- بيقفل النور 
- لسه هيقفل اللاب شاف بوست لواحد صاحبه عاجبه .. لايك .. ولسه بيكتب كومنت ومداسش انتر
- الموبيل بيرن
- الو .. ازيك
- مانمتش ليه ؟!
- كنت هنام
- هتنام ع الفيس يعني
- عادي يعني حاجه عجبتني وانا بقفل اللاب .. عملتلها لايك و كنت هنام
- على فكره مش محتاج تتهرب مني .. لو مش عايز تتكلم قولي مش عايز اتكلم .. انما بلاش الحركات دي
- يابنتي انتي عايزه تعملي خناقه وخلاص .. انا فعلا لازم انام عشان عندي سيكشن مهم
- دلوقت عايز تنام وهتموت ع النوم .. ما انت كنت قاعد ع النت عادي من شويه
- بقولك ايه .. انا هنام .. تصبحي على خير
- سلام
- بيقفل ويبص للاب والكومنت اللي كان هيكتبه فاضله كام حرف .. بيكمل الكومنت وبيدوس انتر
- الموبيل بيرن
- ايووووه
- ايه منامتش ليه
-ياستي هنااام والله هنام اهو
- براحتك بقه سلام
- تصبحي على خير
تاني يوم لما صحي بيكلمها
- الو
- ممممم
- ممم ايه
-اها
- ايه اللي اها .. مالك
- مفيش حاجه
- اومال اممم واها دي .. في حد بيرد على حد بيقولوا كده
- اااه عادي
- طيب
*اتعلم الدرس*
لما تقول لصاحبتك انك عايز تنام .. تبقى قافل النور واللاب وفارش الغطا .. وداخل الحمام .. وغاسل سنانك وشارب اللبن .. عشان ميحصلش مشاكل !!