الى كل واحد هينتخب السيسي عشان دكر ... مرشحك الدكر خايف يناظر حمدين
الى كل واحد هينتخب السيسي عشان هيرجع الامن ... مرشحك كان النائب الاول لرئيس الوزراء لشئون الامن وحصل في عهده اكبر عدد من التفجيرات وغيره ومقدرش يمنعها
الى كل واحد هينتخب السيسي عشان هيقضي ع الاخوان ... مرشحك فاتح حوار مع الاخوان من تحت لتحت واتفضح
الى كل واحد هينتخب السيسي عشان هيحقق العدالة الاجتماعية ... مرشحك اول من اقترح رفع الدعم في الوزاره وكل معلوماته عن العداله الاجتماعيه هى التقشف وملوش موقف طول حياته يبين انه منحاز للفقراء
الى كل واحد هينتخب السيسي عشان هيقضي علي الفساد ... مرشحك اصلا شايف ان مبارك (رمز الفساد) ابن مصر البار وقائدها وأغلب حملته هى رجاله الحزب الوطنى ورجال اعمال مبارك اللي نهبوا الشعب
الى كل واحد هينتخب السيسي عشان رجل دولة ... مرشحك كان مدير المخابرات وقت ما مرسى (الارهابى) هرب من السجن وهو نايم واترشح وهو نايم وبقي رئيس وهو نايم وحصله مذبحه رفح وهو نايم وبعدها اتشال طنطاوى وجه هو وزير دفاع مرسى (الارهابى) .. دا غير العناصر الارهابيه اللي دخلت سيناء وهو نايم والاسلحه اللي ملت البلد وهو برضو نايم
الى كل واحد هينتخب السيسي زعما ان هو اللى انقذنا ... مرشحك لآخر لحظه كان عاوز يعمل استفتاء علي بقاء (الارهابى) مرسي ولولا وجود الشعب كله في الشارع كان زمانه لسه بيعظم لمرسي والدنيا بيس ومفيش مشاكل والشعب برضو كان هيحقق هدفه والا بتشكك في قدره الجماهير
الى كل واحد هينتخب السيسي عشان قادر انه يحقق وعوده ... مرشحك ملوش في الوعود اصله خلف وعده قبل كده لما قال ان المؤسسه العسكريه مش هترشح حد وملهاش طمع في الحكم وانه مش هيقحم الجيش في السياسه واتاريه عاوز يحقق حلم الاوميجا يبقي ازاى هتصدقه بعد كده
إرسال تعليق
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد