الظابط: هات موبايلك وافتحلي الرسائل بتاعتك.
الملحد *قلقان* : اتفضل.
الظابط *بيقرا ويدندن* : همممم .. مين سلمى دي؟
الملحد: واحدة صاحبتي يا فندم.
الظابط: ملحدة برضه؟
الملحد *خايف على صاحبته* : لا والله مسلمة ومالهاش دعوة بالكلام ده خالص.
الظابط : يعنى مسلمة ومصاحبة ملحد؟ دانا هتيتيتخها.
الملحد: لالا خلاص .. سلمى ملحدة.
الظابط: جميل جميل .. انت جدع وبتعترف بسرعة، قولي بقى مين فى دول كمان ملحدين؟
الملحد: بعترف ايه بس .. طب انا اعمل ايه دلوقتي؟ بص يا باشا، سلمى اجنوستيك.
الظابط: يعني ايه؟ 8abyy
الملحد: الصبر من عندك يارب، يعني اللى تشوفه يا باشا .. بص سلمى خالها لواء فى الحربية.
الظابط: اااه .. ماتقول كده من الصبح! خلتني اظلمها عالفاضي .. قولي بقى اسمك ايه؟
الملحد: محمد عبدالنبي.
الظابط: ملحد واسمك محمد؟ ههههههههههههههههههههههههه مستغرب *بصوت عصام الكهربائي*
الملحد: عبدالنبي يا باشا .. محمد عبد النبي.
الظابط: ماتظبط يا ختيتتتت بتكلم جد.
الملحد: لا انا ستريت مش مثلي.
الظابط: وله! اتكلم عدل بدل ماطلع دين تيتتت.. ايه اللى بتقوله ده؟ ده اللى بيحفظهولكم فى المعبد؟
الملحد: والكعبة الشريفة ما لينا معابد
الظابط: طب ياللا انجز انت شكلك ابن ناس ومش حمل بهدلة .. اسمك الحقيقي ايه؟
الملحد: والله ده اسمي الحقيقي .. محمد عبد النبي
الظابط: هات بطاقتك انت ليلة دين امك نيتتتت سوده النهارده.
الملحد *بيطلعله البطاقة*
الظابط: احا!
الملحد: صدقتني بقى؟
الظابط: مين اللى عاملك البطاقة دي ياله؟
الملحد: يادين امي، والله العظيم ماحد عاملها انا مولود اسمي محمد.
الظابط: وكمان بتحلف بالله؟ ههههههههههههههههههه
الملحد: وشرف امي اسمي محمد.
الظابط: ملحد وامك ليها شرف؟ زمانها خرباها مع اخواتك دلوقتي يا نجس.
الملحد: طب هاتلي حاجة احلف بيها.
الظابط *طراخ* : انت هتهزر معايا يا روح امك؟
الملحد: *صمت*
الظابط: كمان مابتردش عليا؟ *طراخ*
الملحد: اللى تشوفه.
الظابط: قولي .. ايه اللى خلاك ملحد؟
الملحد: اشهد ان لا اله الا الله واشهد ان محمد رسول الله.
الظابط: ما كان من الاول يابني لازم تغلبني معاك؟ *طراخ برضه*
الملحد:رضيتُ بالله رباً, وبالإسلام ديناً، وبمحمد صلى الله عليه وسلم نبياً, ورسولاً.
الظابط: اه قول كده .. انا كنت شاكك من الاول انك اخوانجي وستيييت .. تبع انهي جامع ياله؟
الملحد: طب ابانا الذي فى السماوات ليتقدس اسمك،. ليأت ملكوتك،. لتكن مشيئتك كما في السماء كذلك على الأرض؟
الظابط: شكلك عيل غلبان وماتديش على ملحد، ماتزعلش من ضربي انا اخوك الكبير وخايف عليك من الاخرة وعذابها.
الملحد: مانتحرمش يا باشا .. يعنى انا خلاص كده براءة؟
الظابط: براءة من الازدراء بس.
الملحد: وانا عليا حاجة تانية؟
الظابط: امال مش هنتنيل نعمل محضر يعني؟ امضي هنا ياللا واتكل على الله.
الملحد: ايه ده يا باشا؟
الظابط: ده محضر تزوير بطاقة.
الملحد: يلعن دين تيتتت انت واللى مشغلك يابن الوستيييت يا غبي .. اضرب اضرب
0 تعليقات
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد