جزيرة الانسانية
احد اشكال الإنسانية
القصة قد تكون بها مبالغة واستفزاز للبعض..لكنها انسانية من نوع قلما نجده
منقـــول
القصه بدأت ببنت جميله اسمها Salma El Sherif فى اول شهر يونيو اللى فات
نزلت بوست على جروب دكتور محمود حمدى للحيوانات الاليفه
قط جميل كان بيعد عند محل للحيوانات داسته عربيه
سببتله شلل و كسر فى ضهره
المحل بدل ما يعالجه خده رماه فالزباله عشان يموت و يقول للناس ده مش تبعى و سمعه المحل
ناس معدوم فى قلوبها الرحمه و الحيوانات بالنسبالهم تجاره مش ارواح بتتألم
سلمى حطت صورته و بلاش تشوفوها الاولانيه ( الصوره اللى فوق بعد ما استحمى )
و كانت بتستغيث لانه كان بيموت و هى عندها امتحان و مش عارفه تاخده البيت
الصوره فضلت 3 ايام تقريبا ... هى جابته من مقلب الزباله و حطته عندها فصندوق
شكله فالصندوق كان يقطع القلب حسيت انه بيبصلى من الصوره
فلحظه لقيت نفسى بلبس و بتصل بسلمى رحت جبته و خدته ل Dr'Mahmoud Hamdy
دكتور محمود غير انه بيعالج حيوانات الطبقه الراقيه بيتبرع بالعلاج ببلاش لقطط و حيوانات الشوارع و قعت بيه لغايه الساعه 3 الفجر
بجد دكور محمود انساااااااااااان فوق الوصف و مهما شكرته على اللى بيعمله مش هوفيه حقه
رحت بيه تانى يوم لعياده دكتور نور
للاسف عملتله الاكس راى
عنده انفصال فى الفقرتين الرابعه و الخامسه من الخلف \و قطع فى النخاع الشوكى \و مفاصل رجليه باظت
كانوا هيعملوله اشعه بالصبغه لكن رفضت لانها خطر على حياته و الاكس راى باين فيها ان لنخاع الشوكى مقطوع
للاسف هيعيش طول عمره بيزحف و مفيش تحكم فالبول و الستول و مش هتنفعله عمليه
بس هو بيلعب و بياكل و متفاعل كويس اوى معايا و اهم شئ نفسيته زى الفل
هما ادوله حقنه كورتيزون و حاجه تانيه عشان التهاب النخاع الشوكى و هنكررها كل اسبوع
ده غير الادويه و لحاجات اللى قالى عليها دكتور محمود
Sherif Zıllıllız طبعا غنى عن التعريف من اجمل الناس اللى بتحب الحيوانات و بيجرى يساعدهم دايما فاى مكان ... شريف مسبناش كان بيطم عليه دايما و كنا متفقين هنوديه شلتر للرعايه
بس انا اتعلقت بيه و هو اتعلق بيه نفسيا و كمان محدش كان هيستحمل البى بى و غغيار الجروح اكتر من مره فاليوم و كان ممكن يموت من الاهمال و كنت هحس انى السبب
كنت بخده فحضنى واعيط و اقول هيقضى بقيه حياته كده و لازم اسعده فالايام اللى فضلاله
و كان يعينى بيتكسف لما يعمل بى بى على نفسه
و قعدنا حوالى 3 شهور بعدها بنغير على الجروح حوالى 3 او 4 مرات فاليوم
لدرجه يا عينى لحمه كان متشال طبقه بتتغير و الجروح كانت قرح ريحتها مش ظريفه
الحمد لله خفت و بدأ يحاول يتحكم فالبول و الستول شويه
و بعدها بكام شهر اتفاجئت ان اعصاب الرجل الشمال بدأت تستجيب و تتحرك
حاول يقف كنت بمنعه الاول عشان الالم
صمم انه يمشى بقى بيقف على الكنبه او الحيطه و يسند و يعمل تمارين لنفسه
اتفاجئت انه مشى و شويه بقى ينط و بيعمل حمام لوحده و اتجوز كمان
فكرنى بمشهد حسين رياض و تحيا مصر
مش متخيلين ساعدتى حاسه انى ام بتشوف اول خطوه لابنها
مهما يعمل كوكى مبزعلشى منه كفايه الماساه اللى شافها فحياته
بجد هو اللى ضاف لحياتى فرحه بمجرد وجوده معايا
بالنسبالى بقوله انت عارف انك اجمل حاجه على الكره الارضيه كلها
كفايه حضن كريم بالدنيا كلها
بس نفسى افهمه ان شعرى بغسله بالشامبو عشان هو مصمم ينضفهولى كل يوم
إرسال تعليق
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد