الحرية لعُمر زينهـم . شاب مصري من منطقة "الدرب الأحمر"

عُمر زينهـم . شاب مصري من منطقة "الدرب الأحمر" عُمر زينهم سنـة "15 سنة" 
عُمر كان بيحلم إن البلد دي تبقي كويسة علشـان كل واحد يقدر يعيش فيها بكرامـة وميتعرضش للإهانة ، عُمر بعد ما الثورة قامت كان بيحـاول يعمل أي حـاجة وبـ أي طريقة عشان يجيب حق الشهُداء إللي ماتت .. عُمر كان صاحب "جابر" و "كريستي" الله يرحمهُم ..
عُمر كان من شلـة مائدة الشُهداء إللي كانت في محمد محمود ، كنت بشـوفة كل يوم نازل بـ الكاميرهـ بتاعته بيصـور وبعد ما يصـور يسـاعدنا فـ إننا ننضف الشـارع وندخل الترابيزات والكراسي.
عُمر كان بيسـاعدنا فـ إننا يعمل الإستنسلات بتاعت المُعتقلين ، عُمر كنت كل ما أروح نيابة أو محكمة لأي مُعتقل الأقية موجود هنـاك.
عُمر محبوس وكل ما حد يخشلة زيارة يسأل علي أصحابة المُعتقلين "ياسين ، أيات ، أحمد جمال زيادة"

عُمر من أوائل الناس إللي نادت بسقوط الإخوان..

عُمر محبوس من يوم 25 ينـاير 2014 من مسيرة المعادي .. ومن ضمن التهُم إللي متوجهه ليه بناءً علي تحريات أمن الدولة إن عُمر زينهُمْ ينتمي لـ "جماعة الأخوان المُسلمين"

أوائل من هتفوا ضد الأخوان يُحَكامُون الأن بإنتمائِهمْ لـ "جماعة الإخوان المُسلمين"
الدولة_العبيطة