نوارة نجم ترد على كذب الاخوان ابويا مش في مقابر الاخوان

نوارة نجم ترد على كذب الاخوان ابويا مش في مقابر الاخوان

1- باشكر كل الناس اللي عزوني، سواء بشكل مباشر بالحضور او الاتصال او الرسال، او بشكل غير مباشر انهم عملوا الواجب مع بابا سواء بحسن ذكره، او الدعاء له، واسفة اني مش قادرة اتكلم ولا ارد على حد.. بس محتاجة وقت استوعب، لاني ما كنتش عاملة حسابي على حاجة كده ولا اتعودت اتحط في موقف ما اعرفش اعمل فيه حاجة، ولا كنت حاطة في بالي ان بابا ينفع يحصل له حاجة كده

2- ابويا مش في مقابر الاخوان، ابويا في مقابر ميت عفيف بالغفير جنب المرحوم حسين اخو مراته ودي كانت وصيته لان حسين الله يرحمه كان بالنسبة لبابا احسن من لو كان ابنه اللي خلفه من صلبه ودي مقابر اسرة زوجته ام زينب

3- اللي يقدر يعمل اي عمل خير ويوهبه لابويا ما يتأخرش، ومش حيندم، من تجربتي معاه ابويا مافيش حد عمل معاه اي دقة جدعنة الا وربنا سد عنه وشاف ثمرة الخير في حياته، حتى لو كانت بكلمة طيبة قالها اسعدت بابا، ومافيش حد زعله او جرحه الا وربنا خرب بيته من وسع وخلاه عبرة، ومن رحمة ربنا على الناس اللي اذوا ابويا، ان بابا ما كانش بيزعل بسهولة، والا كان زمان الناس المخروب بيتهم لا يعدوا ولا يحصوا، وهو جه لكذا حد وقالهم انه كويس وانه عايش مش ميت، بس ما جاليش انا، يمكن عشان لسه مش عارفة اتعامل مع الموضوع

4- انا لسه ما ولدتش... وبابا هو اللي سماها فاطمة الزهراء، دعواتكم ربنا يجيب فاطمة الزهراء بالسلامة لانه هو كان عايزها تيجي

وباعتذر كمان مرة اني مش حاقدر اتواصل مع اي حد الفترة دي... شكرا