عارفين امتى الثورة هتنجح
لما تلاقى الناس فى الشارع مبتسمة وبتسلم على بعضها لوجه الله مش لمصالح
لما تلاقى المقابر مش مسكونة غير بالموتى والاحياء مش بيزاحموا الاموات فى قبورهم
لما نلاقى المستشفيات نضيفة وماعليهاش زحمة والدكاترة فى قلوبهم رحمة بيعالجوا المرضى لوجه الله
لما نلاقى شوارعنا نضيفة وشبابنا العاطل شغال , لما نلاقى الطلبة مبسوطة وهى رايحة على مدارسها علشان بتتعلم صح , والموظفين بيشتغلوا برضا علشان شايفين العدل
لما تلاقى مدن جديدة تلم سكان العشوائيات
لما نلاقى كل المنتجات مكتوب عليها صنع فى مصر , لما تلاقى مصر بتصدر القمح
لما تلاقى المصريين بيحترموا اشارات المرور وماحدش بيرمى زبالة فى الشارع
لو اتحققت الحاجات دى اعرفوا ان الثورة نجحت
0 تعليقات
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد