أنا اللي هتفت سلمية لا انا صايع ولا بايع سنين عمري اللي باقية بلاش
ولا حابب أشوف أمي قلقها عليا مبيهداش .. لا عاوز أشوفها شايلة الهم
و تبكي لو تشوف الدم و لما تتسأل عني تقول ده ضنايا راح ولا جاش
انا اللي هتفت سلمية ولا كان نفسي أشم الغاز ولا امسك طوبة في ايديا ولا خرطوشة تحرقني
أنا اللي هتفت سلمية .. ما كاتش في بالي ضرب النار ولا اني اضرب برصاص ولا عنيا تبقى نشان لظابط مفتري قناص
انا اللي نزلت بهتافي خلعت نظامو حققت اللي كان فاكرينو قال احلام
ساعتها اتشلت فوق الروس و قالو عليا أحلى كلام
ده كان في يناير الماضي بداية العام و مات أيامها صاحبي فؤاد و مات خالد و مات رامي و راحت عين قريبي هشام
وعدة الشهر بعده الشهر و فاتو عليا زي الدهر و دم الشهدا يفزعني و يقلق راحتي كل مانام
ساعتها لقيتني متكتف و قلت لابد اعود اهتف رجعت هتفت سلمية
وقلت الدم مش للبيع بورقة و عشرة أو مية في ايدي ايه غير اني أهتف
وقلت يا ناس ده انا اللي هتفت سلمية قالولي لأ ونكروني وشفت الدم من تاني و عاد المشهد الدامي
وده كان يوم ما مات مينا عشان مقبلش تاني الظلم و راح يهتف
وزادت قايمة الشهدا عدد من الناس في منهم صابته رصاص أو اللي انداس
و زادو الحزن و القهرة و عادو الكرة ميت مرة
وسال الدم من تاني على جبينه و غرق عمته الحرة
وعلشانك و من تاني يسيل الدم يا طاهرة
إرسال تعليق
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد