بسم الله الرحمن الرحيم
حيبت اعمل موضوع انهرده عشان اوضح فروقات هامه بس كل من السرياس ماس و البروكومبلكس جينر و الواى بروتين
و اتمنى التوفيق ان شاء الله

الموضوع يا جماعه سهل جدا الفكره ان كل واحد بيشوف جسمه محتاج ايه و يدهوله
بمعنى ان السرياس ده معمول عشان الناس النحفاء يعنى نقدر نقول الى نسبة الدهون فى جسمه قليله جدا و طيعا بجانب ان مفيش عضلات
يجى هنا استخدام السرياس ماس و يبقى ده دوره انه يرفع وزن جامد فى فتره قصيره بغض النظر عن الوزن ده عضل ولا دهون بس طبعا

بيكون جزء منه عضلات بس الجزء الاكبر دهون
يبقى الهدف من السرياس ماس هو رفع وزن عالى فى فتره قصيره
نقطة اخيره فى السرياس فى ناس بيكون العامل الوراثى عندها مش بيخليهم يكتسبوا دهون نهائى يعنى هتلاقى كتير اوى ناس فورمتها نشفه جدا و

يقولك انا باخد سرياس ماس و مع ذلك مش عامل دهون تقريبا ده بيحصل لان جسمه اصلا مش بيعبى دهون


نيجى بقه للبروكومبلكس الجينر
باختصار نقدر نقول عليه المستوى الاعلى من السرياس ماس
يعنى احنا قولناعلى السرياس اكتساب وزن عالى دهون اكتر من انه عضل
لأ البروكومبلكس بيكون تقريبا متساوى لانى بيكون فى نسبه كاربوهيدرات عاليه بس اقل من السرياس و نسبه بروتين برضه عاليه اعلى من

السرياس
عشان كده بنقول عليه المستوى التانى من السرياس
يعنى لو مثلا قولنا واحد نحيف وزنه 50 كيلو خد السرياس ماس لمده شهرين او ثلاثه و وصل ل 70 كيلو و نسبه الدهون اترفعت عنده نقول

مثلا لحد 15 او 20% (تابع موضوع نسبه الدهون بالاسفل)
يبقى دلوقتى جيه وقت انه يستخدم البروكومبلكس هيرفع معاه برضه وزن بس بعضل برضه

نيجى بقه للواى بروتين المكمل الاشهر استخداما على مستوى العالم
باختصار لا غنا عنه لاى لاعب كمال اجسام تختلف المسميات بس البروتين واحد لان الاسرع فى الامتصاص من كل انواع البروتينات
برضه هنقول عليه انه المستوى الاعلى من البروكومبلكس لو السرياس ماس
يعنى الى بيدور على عضلات بس ضخامه عضليه يعنى يبقى الواى بروتين هو الاخبار الامثل

طيعا الحاجات الايزولاتيت و زيرو فات دى المستوى الاعلى من كل دول

انا هنا بس حبيت فروقات هامه و اشيل الاختلافات الى بيقع فيها كتير من اللاعبين.