==========================
Beeba Amer انا بورسعيديه ... جنسيتي (مصريه) والله العظيم مصريه
يمكن لما احلف تصدقوا طالما مغيبين عقلكو
حللتو دمنا..وخونتونا..شوهتوا صورتنا ..خدتونا بذنب بلطجيه !
حكمتوا علي 21 مننا بالاعدام بس انتو حكمتو علي شعب بورسعيد كله بالاعدام..
سمتونا بوريهود مع ان دم جدودنا هما اللي حرركوا من نجاسه اليهود..
وقفتوا فالتحرير تهتفو وتشتموا فرحانين بصوتكوا وبشنب طلع فوشوشكوا فكرتوها رجوله..مش دي الرجوله..الرجوله لو كنتوا شغلتوا عقولكوا تفكروا فاللي بيحاولوا يفرقونا ويقسمونا ويقتلونا..
اصلها مش اول مره نلعب ماتش كوره وياااما غلبناكم وياما غلبتونا
مش هتوصل ندبح ونقتل الغدر والحقد مش طبعنا واسالوا الناس اللي منكم عاشرونا وعرفونا..
الكيل طفح من الغباء اللي مسيطر ع العقول تعبنا من ظلمكوا لينا
ارحمووووونا عشان ربنا يرحمكوا دا احنا كلنا دم واحد
القضاء دلوقتي بتقولوا عليه عادل وبتهتفوا باسم القضاء!! فرحتو بالحكم وبترقصوا وبتحتفلوا ودم البورسعيديه دلوقتي فكل شارع ويوم ما مات 73 شهيد البورسعيديه كلهم وقفو جنبكو اصل احنا فعلا رجاله واحفاد رجاله افرحوا وارقصوا علي الخيبه اللي وصلنا ليها
ماهو 21 دول غلابه مقدروش يدفعوا ملايين عشان ياخدوا براءه حكمتو بالاعدام علي المظلوميين وساكتين علي اللي بيقتلوا فينا 30 سنه يياخدو براءه!!
لك الله يا بورسعيد ...
وانتو يا بورسعيديه رجاااااااااااله
لو دوله الظلم ساعه فدوله الحق ليوم الساعه
حسبي الله ونعم الوكيل
>>صورة من المقاومة المصرية في 56 ضد الصاهينة يظهر فيها ارجل رجال في مصر يتدربوا للدفاع عن شرف المصريين<<<
منقول
0 تعليقات
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد