بقلم : نرمين جمال الدين
كان فى مرة ثورة ؟؟!!!
كان فى مرة ثورة ؟؟؟!!!
كان فى مرة ثورة ؟؟!!!
كان فى مرة ثورة ؟؟؟!!!
الثورة فين ؟
حد شافها
طب حد سمعها
ده كانت فى كل الشوارع بتنادى
ثورة ثورة حتى النصر
ثورة فى كل شوارع مصر
حد وصله الرسالة
وفهمها واستوعبها
طب هو فين النصر
راح فين ولمين ؟؟؟
....................
ده كانت بتنادى
بأغلى ولادها
وبعلو صوتها
بتصرخ وتقول
عيش ..حرية ...عدالة اجتماعية
حد شاف العيش
ولاعاش الحرية
ولا حتى اتحقق له عدالة اجتماعية
هى ثورة يعنى ايه
يعنى تصحيح ..لا يعنى تعديل
ثورة يعنى ظلم رافضين
استبداد مش راضيين
ذل ومهانة مش عايزين وقهر تانى مش راضيين
مش بقول لكم كان فى مرة ثورة ؟؟!!!
امال ارفع راسك ده كانت عن مين ؟؟؟
ولما قلنا يسقط كان لمين ؟؟؟؟
لنظام فاسد ..ظالم ..سارق
فقر وجوع دوقنا
حرقنا واستعبدنا
وبالحرية حلمنا
والعزة كانت املنا
امال ثورنا ليه ؟؟
وقول لى ايه اللى اتغير ايه
النظام اتوضى واتغطى بدقن وموعظة وياريتها كانت حسنة
طب رحتى يا ثورة فين
ياثورة يالى ضيعك العسكر وكمل عليكى الأخوان
بدؤا بالبرلمان وعاوزين ينهوا بالدستور كمان
وانتم يا ائتلافات يا نخب يا تيارات
انقدوا فى بعض ..وحاربوا بعض ويا ريت كمان تمسكوا فى
خناق بعض
مش كل واحد فيكم عمل لى دكان وبيه فرحان
لانكم لسه مش فاهمين ولا مستوعبين الدرس يا سياسين
طب بصوا خليهم يكوشوا وعن وششهم يكشفوا
ويا ريت الناس تتعلم وتفهم بقى
ولا ارجع واقول ده احنا كنا بنحلم ومتهىء لنا ان كان فى مرة
ثورة
طيبه كده وحنيه على قدنا
يا ثورة رحتى فين
طب ثورة ثورة حتى النصر
ثورة بقى فى حبك يا مصر
.................................
نرمين جمال الدين
0 تعليقات
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد