ردود فعل حول خطاب مبارك

· يا جماعة الفلوس بتروح و تيجى، أهم حاجة ان احنا سمعنا صوته و اطمنا عليه

· عـــا جـــل بعد كلام مبارك: النائب العام يجهش بالبكاء و يتحفظ على اموال خالد سعيد

· النائب العام: لا يوجد إتفاقية تسليم مجرمين بيننا و بين شرم الشيخ

· الإخوة المواطنون… ابناء مصر الشرفاء .. هرجع من أجلكم أنتم …نياهاهاهاها . ..ضحكات شريرة متقطعة

· بتوع مصطفى محمود شحنوا البطاريات ونزلوا تاني والمجلس هينزلهم فرقة رضا مش فرقة 777

· المجلس العسكرى ينفى خطاب مبارك و يؤكد مافيش قناة اسمها العربية اصلا و دى اشاعه من فلول النظام

· الي القوات المسلحة نشكركم على حسن تباطؤكم معنا ، الفلوس في أمان ، بالتوفيق في الحرب الأهلية

· مبارك في حديثه مع العربية : أنا أدمن كلنا خالد سعيد

· جمال ايه اللى تحققوا معاه .. من انتم؟ .. من انتم؟ !!

· شرم يا مه يا بهية .. يا أم بسين وشمسية .. فيكي مبارك والحرامية
الشعب شاب و إنتي شابة هو رايح و إنتي جاية.

· ترجمة خطاب مبارك: شكرا على حسن تعاونكم وتباطوءكم-الفلوس في أمان والسنجة في الرنجة و فتشنى فتش

· عاجل .. مبارك يفوز بجائزة الأوسكار في فقع مرارة الشعب المصري

· يحز في نفسي ما ألاقيه من بني وطني من حقد على القصر اللي أنا مأنتخ فيه

· متصدقوش إذاعات هذول الكلاب أنا مسرقتش 70 مليار هما 67 بس

· رداً علي جمعة الزحف علي شرم الشيخ . مبارك : لو جايين شارم الجمعة الجاية هاتوا معاكم دراع بلاي ستيشن زيادة

· مبارك : مستر إكس مش ممكن يموت

· مبارك: اعزائي المواطنين, بصوا العصفورة! و السلام عليكم و رحمة الله و بركاته

· بعد التسجيل الصوتي مع العربية مبارك يعلن ده أول سنجل لي.. وناوي أعمل ألبوم تسجيلات كامل وبنتفاوض مع روتانا

· القذافي طلع على توك توك .. انا طالع على العربية

· مبارك : أظـنّ إتسلّيتو بما فيه الكفاية و أنا خدت أجازة كويسة.. نكمّل بقي؟

· مبارك: لم أكن أنتوي ............ إني أشم النسيم لوحدي في شرم يلا تعالوا بقى

· مبارك بيقول للشعب .. يانعيش مع بعض حبيبي يانموت احنا الاتنين !

· المجلس العسكري: خلاويص؟ مبارك: لسة..المجلس العسكري: خلاويص؟مبارك: لسة.. المجلس العسكري: خلاويص؟مبارك:خلاص

· مبارك: إنتو فأكرين الثورة أثرت عليا؟ بالعكس ، أبسلوتلي.. أنا اللي أثرت ع الثورة.. الثورة عملتلي دماغ ودماغ جامدة كمان