أنا يمني......ليش تقتلني!!!!!! مثلي مثلك ياقاتلني....

                           بكل لغات العالم انا يمني

يا عدن ماتوا شبابك قتلوهم جزروهم

خلو يوم الجمعة جمعة دامية جمعة المجزرة

يعني مش حرام أنهم يقتلوا شباب كانوا ذاهبين لمظاهرات سلمية بعد ما الرئيس يقول لهم اخرجوا تظاهروا ما في شخص بيتعرض لكم

والشباب صدق الرئيس صلوا الجمعة وتوجهوا لمنطقة خور مكسر وفي الطريق يرحب فيهم الجيش والشرطة بالقبل وكلمات الترحيب يدخلوا المنطقة يتفا جوا بالجيش والشرطة يحوطوهم في المنطقة وضربوهم بالرصاص ورشوهم بماء حار.....ماء حار

وفي المعلا حصلت مجزرة قتلوا الناس في بيوتهم قنصوهم قتلوا مدير عام الكهرباء في بيته قتلوه لأنه كان يصور إلي حصل من بيته  

لما يقتلل شخص فمن البديهي المتظاهرين يأخذوا الجثة من الشارع فطبعا الجيش يقتل إلي يبعد الجثة من مكانها  يردوه قتيل جمب الجثة  وما خلوا ألجرحه ولا حتى سيارات الإسعاف أنهم يدخلوا المنطقة أو يخرجوا منها إلا ثاني يوم.....ولحد اليوم عدن مش عدن ما في الأمان والاستقرار الجيش يريد أن ينتقم للي ماتوا منهم ماتوا من الجيش 7 ومن الشباب 11 أو 20 والله ما أني عارفة كل يوم يموت واحد من إلي  أصابوا والله ما اصدق انه في من مات من الجيش.

                  

بكرة يوم غير في عدن الكل جاي عدن من كل المناطق  بيكون بكرة يوم الشهداء والله يسترها بكرة شكلها بتحصل مجزرة جديدة وان شاءا لله ما يحصل إلا خير

مش لأني عدنيه ولا  لان جنوب وشمال لا بس والله إن في عدن ماتوا أكثر من أي  منطقة أخرى في اليمن

ايش..!! يريدوا يقتلوا كل شباب عدن..... أهل عدن من طبعهم أنهم ما يحملوا سلاح زى بقية المناطق في اليمن نادرا ما تلاقي عدني يحمل سلاح ما بقول جنوبي لان في مناطق بالجنوب أهلها يحملوا سلاح بس أهل عدن مسالمين والله مسالمين مش لأني عدنيه والدليل مظاهرة يوم الجمعة إلي فاتت كانت مظاهرة سلميه يعني ولا حتى شاب حامل سكين فيلاقوا إلي ما توقعوه من رصاص وقنابل مسيله لدموع ومضاد للطيارات تستعملوا على المتظاهرين مضاد الطيران أمركم.
والله ان كل واحد مات قصنوة مش رصاصه طايشة لان كل الي ماتوا  الرصاصه تكون يا بالرقبه مثل الي بصورة او القلب او الراس

والله مش عارفة اجمع كلامي من إلي شفته وسمعته الأسبوع إلي فات

مذهولة من إلي حصل يعني تقتلوا الناس في بيوتهم وقالوا الحراك الجنوبي ولا حراك ولا شي.

                         المعلا

الله يعين على بكرة يا عدى اليوم على خير يا حصلت مجزرة ثانيه  جثث جثث مرمية بالشارع من سحب صاحبة ردوه قتيل جمبه مصدومة.

أحاول إني اجمع كلمتين على بعض جملة تفتهم بس مش قادرة مش عارفة كيف.....!!!!!!!!!!!!!!!!!!!!!!!

مش عارفة ليه عدن!!!!!!!!!!!!! ليه أهلها ليــــــــــــــــــــه؟؟؟!!!!!!!!!!!

ايش عملت لكم عدن ايش عمل أهلها يعني عشان خرجوا مظاهرات طيب اليمن كلها خرجت ليش بس شباب عدن أهل عدن استغفر الله العلي العظيم

الله يسترها عليك يا عدن وعلى اهل.

                      المعلا

 دعواتكم.... وعارفة إن كلام مش  منظم ولا مرتب ويمكن ما تفهموه بس عايزة  أتكلم أقول أي شي المهم أريح نفسي شوية  والله محرووووووووووووقة نفسي اقتل كل جندي وكل عسكري والله حرام حراااااااااااااااام

يأرب ارحم كل شهدائنا واغفر لهم ووسع ونور لهم قبرهم وأسكنهم في فسيح جناتك

        يمهل ولا يهمل دي إلي مصبراني

اعذروني لو ماتعبتكم الفترة ذي الدنيا عندي غير ملخبطة والكل على اعصابة........ مدونة خواطرى مع الحياة