ازاى تعرف عملاء الحزب الوطنى وامن الدولة على اى صفحة

اولاً : تشابه غريب فى تعليقاتهم تحسها كلها من مصدر واحد او بناء على تعليمات واحدة ودايما فى وقت واحد كانهم بيسندوا بعض وتلاقيهم فى اتجاهين جزء بيتخاطب بالعقل والباقى بالتريقة والتشكيك
مثلا
ثانياً : بيكرروا تعليقاتهم بنفس النص فى الصفحة نفسها وفى صفحات تنانية

ثالثاً : بيتخفوا فى اسماء بنات اكتر

رابعاً : لو دخلت على البروفايل بتاعهم تلاقيه فيه عدد قليل من الاصدقاء لان معظمهم بيبقى عامل الحسابات جديدة
ودى بعض من تعليقاتهم


جملة يا جماعة حرام عليكم عايزين نفوق البلد حتولع وهو تلاقيه بقالو 30سنة قاعد افتكر مصر والشغل يوم 25 يناير مسمعناش منكم حد بيقول الكلام الحلو ده ليه من 30سنة

يا جماعة حرام عليكم زهقنا

يا ناس ادوهوم فرصة هما ملاحقوش .. "بقالهم 30سنة ويقولك مالحقوش
"!!!

ياجماعة انتم ناس فاضية عايزين ايه ما تصبروا ماهو اتحققت كل مطالبكم

يا جماعة اتنم عايزين تولعوا البلد وبكل مرادفتها على حسب اللى قاعد حتولعوها حتحرقوها حتسخنوها حتبوظوها حتخربوها ... كملو انتم

اى موضوع دينى اوعى بقى جيت كده فى حتيتهم يشموها علطول وتلاقيهم كلهم مبلغين بعض وجايين جري على الصفحة ونبتدي النعرة الاتيه "المادة التانية بالدستور "الحقوا حيغيروها حيدمروها حيرحقوها واصلا محدش اتكلم عنها اصلا ولا عرضت للمناقشة من الاساس واخواتنا الاقباط طلعت الكنيسة وقالت لا مساس بهذه المادة ... الغريبة انك تلاقى اللى بيرد عليهم!

تلاقيهم مثلا رجالة طول بعرض ويقولك حسبى الله ونعم الوكيل فيكم حتضيعوا البلد امال البنات يقولوا ايه ..امال هى كانت ايه

غير بقى اى صفحة معارضة السعر فيها بيختلف تلاقيهم شموها وجري عليها يتريقوا على الادمن شوية يشككوا فيه شويه وفى الاخبار اللى بيقولها وانها عميلة وانها ممولة من الخارج ومن الداخل ومن الفضاء