يا مصر يا قلب عاشق حجر زمرد فى جبال
بيقاسى وومع الهوا يميل
يا بلد بتتمرد ومعنا عنادية يا حلوة تتمشى على المعدية
يا مصر ولادك بكوا فيك اكتر ما ضحكوا مرة فى عنيكى
يا بلد بتلف على الفاضى
يا بلد ولا حد فيكى راضى
ورمسيس شالوا من الميدان ليه
يمكن عليه قواضى
زحمة وحر ناار ومفيش نقطة مية تبل ريىء
وبنمشى وفوق بعض فى الاتوبيس نعد ونتخانق على الطريق
والقطر بينهش فى لحم ولادك كل ما يعدوا عليه
ولا دارية انتى بيهم ولا حدا بيتحرك وامرك يا بيه
مهو اصل عودتينى نسكت على الى احنا فيه
عودتينى نحبك مهما كان الى تعمليه
وكانك قصدك تغلبينا معاكى ليه
يا مصر دا شوراعك شاهدين على دموعى
يا مصر متحنى وسدى بقى جوعى
برغيف ميكنش بالحصو مليان و حتة طعمية من عند عتمان
لا بطلب كتيير منك وطمعان
غير بس تحنى وتخدينى فى ضلوعك
ساره عماد مدونة اكسجين مصر
2 تعليقات
مصر ده وجعى ووجع كل الناس
ردحذفمصر دلوقتى سجن كل المصريين
ردحذفحريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد